| 這樣就過了2個月, 這2個月的起起落落, 都跟我沒有關係... 之前抽了的新股, 一直跟其他雜物放在一起, 就當作是儲了一筆錢, 希望我唔會唔掂到需要變賣它們, 好讓它們安放到2008年或之後吧. 看得到在去年這個時候如果買了好些股票一直持有到現在, 是有十分可觀的升幅. 說易不易說難不難, 熱門的股票例如2628, 941, 388等, 其實個個都睇好, 也有很多人靠它們發了達, 可以請晒一家人去歐遊... 當然唔係隻隻都有咁好result, 如果只係買左5號, 感覺就是做左定期, 息是有得收的, 但感覺就是周圍的人坐緊子彈火車, 自己就坐bus一樣. 而半熱/冷門選擇亦非常之好結果. 例: 2777, 1171, 3323... 甚至是半新的1800, 3993, 2007... 總之就是要在好(平)價錢時揀好股來"儲", 心態要像集郵一樣, 不要輕易跟人換掉.
問題是當已感覺在高位, 該怎麼辦? 在5月時, 那時一直未能衝破21000, 感覺已在高位, 我很撞彩地找到753, 覺得其他都已升了很多, 但它還是沒大升, 認為有機會, 就在很短時間(一個早上)決定並入了貨($5.7). 買完有QDII消息, 升左d但又回復浮沉, 我又在沒耐性的, 和自我恐懼的情況下短時間賺極少離場. 結果它要在盈利預喜和直通車的消息下, 才出現真正的大升($9.x). 又再好一次大教訓... 眼高手低.... 所以現在的投資模式是: 我揀股比意見, 老婆負責執行, 叫佢唔需要比我知道佢嘅交易, 持貨. 而我的另一個任務就係抽新股. 所以我把我感覺到, 在24000點時仍不算貴的股票提出來, 儲股票, 等待收成. ----------------- 去年暑假, 交了好些學費, 知道窩輪是怎麼一回事.
今年暑假, 也交了點學費, 知道足球是怎麼一回事. 原來兩者是有很相似地方: 跟你對賭的, 都是十分專業, 很叻的高手; 而且佢地唔係一個, 而係一隊, 一個出錯有其他人保鑊. 而我勢孤力弱, 所以長期作戰的話, 輸是正常不已. |
